விவாதம் - மனதில்

தமிழ் அமுதினை அகமகிழ அள்ளி தெளித்து

கயல்விழிகள் கரையும் அளவில் ஆராய்ந்து

கவிதையினை பாடலாக அளிப்போர் பலர் ;

சிலரே வசனமளிப்பர் ; சிலருள் ஒருவனாக

உரையாடலை விவாதம் ஆக்க முயற்சிக்கிறேன் ;

தோழன்:

உயிரினை காதலில் கரைத்து கடிதத்தில்

மடித்து வைத்துள்ளேன் . என் காதலியின்

காது பட என் காதலை பாடிவிட்டு வருவாயா நீ?

தோழி:

உனக்கு காதலியாக காட்சியளிப்பேன் என்றிருந்தேன் ,

தோழியாக உனக்கு உதவ சொல்கிறாய் ! என்ன செய்வேன் ?

தோழியாக அறிமுகமானது என் தவறே !

தோழன் :

கரு கொண்டவள் கருவில் கொண்டால் ,

நீ எனக்கு வழி காட்டடி ! உன் தவறை மன்னித்து

மறந்துவிட்டால் நட்பு நனைந்து கரைந்துவிட்டாலும் விடும் ;

மன்னிக்க மறந்து நினைப்பினை மறந்துவிட்டேனடி தோழி என்றென்றும் !

தோழி :

புருஷன் புரிந்து கொண்டாலே பெண்களின்

வாழ்வுதனில் சொர்க்கம் ; மனமறிந்த நீ கிடைத்தால்

அச்சொர்க்கத்தை தேடி செல்வது

போல என்று தான் ஒரு சுயநலம் ;

தோழன் :

அடி மதி இல்லாதவளே ! என் இதயத்தில்

இருப்பது தான் உன் ஆசை ! என் இதயமே நீ என்கிறேன் ;

தோழி என்பதால் என் ஜீவனாக ;

ஜீவிக்க ஆசையா ? என் ஜீவனை காத்தருளும் சுவாசம்

நீயடி! என் தோழி ஆனதால் .

தோழி :

நீ சொல்வது சரிதானடா ஆனால் உன் காதலி மீது

பொறாமை தான் நானும் பெண் அல்லவா !

இருக்கத்தானே செய்யும் ; உன் காதல் தோல்வியுற்றால்

உயிரை விடும் முதல் ஆள் நான் தான் நினைவில் இருக்கட்டும்.

தோழன் :

சரி நில்லடி ஒன்றை கவனித்தாயா ? சில காதல்

தோல்வியுறும் ஆனால் அனைத்து நட்பும் சில சமயத்தில்

பிரிவு தான் அடையும் ; பிரிவு ஈருயிர்க்கு ; நாம் ஓருயிர்

அல்லவா ! நமக்கு பிரிவேது ;

தோழி :

நீ சொல்வது சரி தான் என்னை தேவதையாக எண்ணினாய்

சராசரி பெண்ணாக காட்டிவிட்டேன் ; மன்னிப்பு கேட்க

மாட்டேன் உன்னிடம் ; உனக்கு அறவே பிடிக்காது என்பதை

அறிந்தவள் உன் தோழி ! சரி உன் காதலை மட்டும் அல்லாமல்

உன்னை பற்றியும் சொல்லி பிரிவில்லா நம் நட்பு போல தோல்வி

அடையாது உன் காதல் என்பதை உறுதி செய்கிறேன் ;சரியா ?

தோழன் :

ஆண்களின் வெற்றிக்கு பின்னால் பெண் இருப்பதில்லை ;

பெண்கள் இருகிறார்கள் ! பூமியை ஆழ்வது பஞ்ச பூதங்கள்

எனக்கு மனிதனை ஆழ்வது ஐந்து விரலாக இருக்கும் ,

மாதா, பிதா , குரு, தெய்வம் , நட்பு ஆகியவையே , இவை அனைத்தையும்

சொல்லிவிட்டு அவளைப் பற்றி சொல்லவில்லை என்று நினைப்பால்

பெண்ணல்லவா ! என் கையே அவள் தான் என்று சொல்லிவிடு ;

தோழி :

தந்திரக்காரன் ! கொடுத்து வைத்தவள் உன் காதலி ;

நல்ல காதலன் கிடைத்தால் ; பெருமையடைகிறேன் !

என் உயிர் தோழன் நல்ல காதலனாக இருப்பதை கண்டு !